2 URTEKO GELAK

Gure eskolak 2 urterekin eskolaratzeko aukera ematen du. Gaur egun hiru gela ditugu. Gela bakoitza hainbat espaziotan banatuta dago ikasleen behar ezberdinei erantzuna emateko asmoz; plastika txokoa, eraikuntza txokoa, ipuin txokoa eta etxeen txokoa. Horretaz gain, psikomotrizitate gela bat eta joko heuristikoa garatzeko gela bat dago.
Sarrerak eta irteerak malguak izaten dira.

 

HAUR HEZKUNTZA

Adin bakoitzeko, hiru gela ditugu (3tik-6 urtera). 2 urteko geletan bezala, gela bakoitza hainbat espaziotan banatuta dago ikasleen behar ezberdinei erantzuna emateko asmoz; plastika txokoa, eraikuntza txokoa, ipuin txokoa eta etxeen txokoa. Horretaz gain, psikomotrizitate gela bat eta esperimentazio gela bat dago. 4 eta 5 urteko ikasleek ingelera eta musika gela bat dute aipatutakoaz gain. 

HIZKUNTZA EREDUA

Eskolako hizkuntza eredua D eredua da ziklo guztietan; euskal kultura sustatzen dugu eta, euskara da gure irakaskuntza prozesuaren ardatza.

METODOLOGIA

Eguneroko korroa eta errutinen ondoren ikasleek era librean aukeratzen dute zein txokotan nahi dute egon. Horretaz gain, arazo egoera ezberdinetatik abiatuta proiektuka egiten dute lan. 4 eta 5 urtekoen kasuan Ikaskuntza Kooperatiboan lehenengo urratsak ematen dituzte; proiektu bakoitzean hainbat dinamika edo eta egitura lantzen dituzte. 

Bi urtekoen kasuan astean behin joko heuritiskoen gelara joaten dira, hiru urtetik bost urtera, aldiz, erabilera anitzeko gelara joaten dira. Haur Hezkuntza osoan astean bitan psikomotrizitate gelara joaten dira.